Un rato pasa Servicio Meteorologico Aruba (Meteo) a emiti un aviso pa boto chikito, specialmente pa areanan cerca di costa oost te noordwest. E aviso ta drenta na vigor desde mañan diasabra pa 6:00am.
Labaderanan for di noord, causa pa un sistema di presion abou den lama atlantico lo cuminsa drenta awanan regional den curso di awe nochi laat y durante weekend cu ta drentando. Esaki lo haci lama na costa localmente bastante bruto.
Ta urgi usuarionan di lama y ocupantenan di boto chikito pa bay cu cautela riba lama, specialmente cerca di costa oost te noordwest ya cu e labaderanan lo causa lama localmente bastante bruto.
