Christopher Geerman ta un hoben cu tabata menor di edad na momento cu e tabata envolvi den un caso di tiramento na San Nicolas na inicio di e aña’ki.
Durante tratamento di caso den corte e no a duna indicacion real di ta realisa con serio e delito cu el a comete ta. Ora cu yega na e parti di arma cu el a uza, el a prefera di keda keto, aunke cu e ta bisa e no ta forma parti di ningun gang.
E acusacion contra dje tabata cu riba 22 di januari ultimo, el a trata di mata un persona door di los tiro den direccion di e hoben. Si no logra proba esey, ta acus’e di maltrato severo of maltrato. E di dos acusacion ta posesion di arma di candela.
Un echo cu a sosode den oranan di mainta den Caya Captain Rodgers na San Nicolas, na e skina na final di e caya.
Polis cu a bay na e sitio despues di un rato a bin topa cu seis huls plama riba caminda. Un homber na e sitio a conta cu e tabata canando ora cu el a scucha sigur tres tiro y na e momento ey tabatin tres auto para banda di entrada di Valero y nan a bay for di e sitio un tras di otro. El a logra coy number di por lo menos un di nan.
Pa mas, lesa TREMPAN.
