E campaña nacional pa loke ta trata desperdicio a ranca sali exitosamente diasabra 2 di september cu e actividad di baki den bario. Riba e fechanan di e evento aki lo pone baki na diferente districto di Aruba for di 8’or di mainta te cu 12’or di merdia. Na cada sitio lo tin baki pa diferente tipo di desperdicio pa asina esaki por ta separa. E separacion di desperdicio ta facilita y maximalisa desperdicio su procesamento como tambe su reciclahe, asina yudando conserva nos medio ambiente.
Campaña nacional ‘Limpi Limpi’ tin como un di su metanan e conscientisacion di nos pueblo tocante maneho di desperdicio responsabel, bou di cual separacion ta forma parti. Baki di desperdicio den bario ta estrictamente pa desperdicio residencial. Desperdicio comercial no lo ta acepta y Bureau City Inspector ta encarga cu supervision y control durante e actividad pa percura pa cu esaki.
Kico ta e tipo di desperdicio cu mester separa pa por ta treci na Parke Limpi Limpi?
e-Waste
e-Waste ta referi na tur aparato electronico rond di cas cu no tin uzo mas of cu no ta sirbi. Algun ehempel di e-Waste ta:
· Television
· Computer
· Laptop
· Printer
· Celular
· Radio
· Speaker
· Camara
· Consola di Wega (X-Box, Playstation, Nintendo)
No por trece bateria di un solo uzo ni rechargeable (AA, AAA, etc.). Tene esakinan na cas te proximo aviso.
Green Waste
Green Waste ta referi na material cu ta biodegradabel cu ta sali di naturalesa. Esaki ta exclui material manera cuminda, palet, plywood, etc.
Algun ehempel di Green Waste ta:
· Planta
· Palo di mata
· Blachi di mata
· Yerba
Sushi di construccion
Sushi di construccion (construction waste) ta referi na desperdicio cu ta produci ora di construccion cu ta relativamente limpi y por ta recicla. Esaki ta strictamente exclui asbest.
Algun ehempel di Construction Waste cu ta reciclabel na Aruba ta:
· Cement
· Santo
· Pavers
· Concrete
Bulk/Mixed Waste
Bulk/Mixed Waste ta referi na e obhetonan di tur tipo cu no por ta recicla of mester di ta pre-procesa pa por saca e material reciclabel (por ehempel, metal di un corchon). Esaki ta estrictamente exclui material radioactivo, kimico, azeta, verf, etc. Algun ehempel di Bulk/Mixed Waste ta:
· WC
· Fregado
· Mueble
· Corchon
· Paña
· Tubo di PVC/Tubo
· Tur tipo di plastic
· Rubber
· Taira
· Palo/Plywood
· CD/Disco
Metal
Metal como desperdicio ta referi na tur tipo di material cu ta contene cantidad grandi di metal haya rond di cas. Esaki ta exclui auto bieu (wacharaca).
Algun ehempel di esaki ta:
· Stoof
· Dryer
· Kabel/Waya
· Wasmashin
· Airco
· Pijp/Tubo
· Mueble di hero
· Parti di motor
· Bais
· Zinc roof sheets(Zim)
· Heki di hero
· Herment
· Pomp
· Aluminium bentana/porta
Pa mas informacion of cualkier pregunta por tuma contacto cu [email protected] of bishita www.trashtocasharuba.org/limpilimpi.
