Car Colour Aruba ta orguyoso di anuncia reapertura di nan tienda ultra-moderno na Tanki Leendert 103, hunto cu introduccion di e marca di verf Wanda pa e mercado local. Ricky Beaujon, CEO di Car Colour Aruba ta splica cu e factor di prijs ta hungando un rol mas determinante den e mercado local y Sikkens, un marca di verf renombra mundialmente, no por competi den un guera di prijs debi na su calidad superior. Como tal, e team di AkzoNobel a sugeri Wanda, un verf cu si por competi den prijs sin sacrifica calidad.
Viviane Martins, Regional Sales Manager pa VR Latin America, a agrega cu Wanda tin mas cu 85 aña di experiencia den e mercado internacional y ta bendi den mas cu 90 pais rond mundo. Ademas, e ta enfatisa e enfoke di AkzoNobel riba e hende, planeta, verf y e decision consciente pa stop di uza lood y chromate den nan productonan debi na e efectonan negativo ariba medio ambiente y salud di profesionalnan.
Carlos Santander, consultant technico di AkzoNobel, a duna informacion adicional tocante e aspectonan di Wanda, cu su cubrimento ora cu spuit ta mas halto cu otro verfnan den su categoria y cu su primer y clear coat nobo ta na un calidad superior pa e segmento di mercado di Wanda.
Roly St. Jago, cu a dirigi e compania pa hopi aña, a celebra e reapertura di Car Colour Aruba. Pa mas informacion tocante Car Colour Aruba y e marca di verf Wanda, por fabor bishita nan website of tuma contacto directamente cu e compania. Car Colour Aruba www.carcolour.aw of telefon +297 582 8824.
