Iglesia Movimiento di Gloria ta presenta nan ekipo di alabansa (worship team) cu a lansa nan cancion nobo.
NACEMENTO DI E CANCION
E cancion ta titula ‘La Paz de Dios’ y e ta un cancion cu ta conecta bo cu Spirito Santo den tur momento cu bo ta sintibo carga of sin speransa. E ta composita pa Nelisabel y Pastoor Ezequiel Antony, aregla tambe pa Pastor Ezequiel Antony. E videoclip ta produci pa EA Productions Studio
Iglesia Movimiento di Gloria ta uno profetico dus den un sirbishi nan tabata den un atmosfera cu Spiritu Santo y den e melodia cu e musiconan tabata toca Nelisabel a cuminsa improvisa y el a sinti pa canta e versiculo di e predicashi di Pastoor den e dianan. Y la paz de Dios, que sobrepasa todo entendimiento, cuidará sus corazones y sus pensamientos en Cristo Jesús (Filipensenan 4:7). E ora pastoor y tur hende a cuminsa cant’e den coro y desde e momento ey e la bira un cancion den lista pa graba. Pastoor Ezequiel Antony, conoci den mundo secular como productor, a tuma e pida coro y traha ful un cancion locual a estrena diamars.
GRABACION
A graba esaki den un siman pa cada musico graba live y tres siman na perfecciona cada pida, tur hende den studio tabata sinti cu e cancion tabata tin algo special den dje y tur a tuma tempo pa por a sac’e cu e excelencia cu nos Dios merece. Sigur un danki na full e worship team pa e bon trabou den e cancion La Paz de Dios.
IGLESIA MINISTERIO MOVIMENTO DI GLORIA
Iglesia Ministerio Movimiento di Gloria a nace dia prome di juli 2020 den un cura di cas, predicando restaurando famianan kibra y e hobennan den depresion, ora Dios a cuminda manda hopi hende nos a dicidi na busca un local y expande asina mas persona por bin y wordo bendishona cu e palabra refrescante di Dios. Actualmente e ta situa na Dakota Olijfstraat 44A, cu ta e caya patras di Dakota Shopping Paradise, na unda tin diferente sirbishi unda hopi milager ta sosode
