Diferente unidad di Cuerpo di Bombero a acudi direccion di planta di WEB na Balashi pa un alarma bati pa un candela grandi. For di leu por a mira e humanan hopi preto. Por a compronde cu un di e motornan di e planta cu ta produci coriente tabata na candela.
Esta un motor RECIP. Pues no por papia di un motor nobo. E otro informacion ricibi ta cu ta trata di un motor recip Wartzila cu ainda ta den uzo pa produci coriente. E ta forma parti di e di tres set di motor cu WEB a adkiri.
Ta parce cu e motor aki ta den un di e cambernan isola.
Esaki ta un noticia den desaroyo.
Un rato pasa WEB a manda un update riba e situacion cu a surgi den nan planta y a bisa lo siguiente: a surgi un candela den motor RECIP #7. No tabatin herido y e situacion di suministro pa awor ta bou di control, pero si delicado. Actualmente nos team ta bezig ta handle e situacion. Asina cu tin mas informacion, nos lo duna update.
