Diabierna atardi a drenta varios yamada cerca nos mesa di redaccion, vociferando nan preocupacion riba un caminda den mal estado. Ta trata di un caminda di santo na Paradera. Patras di Gio Autoparts na Paradera, cerca di Paradera 92-B. E caminda ta den super mal estado.
E habitantenan di e area ta hopi rabia y nan auto casi no por pasa riba e caminda mas.
A pidi na varios ocasion pa DOW haci algo pero nunca a ricibi un reaccion. Segun por a compronde, ta e caminda cu ta bay pa un apartamento di placer.
Ta spera cu pronto e instancianan concerni atende cu e caminda aki. Por a compronde si cu e pida caminda den mal estado ta un ‘eigendomsterrein’, pa cual p’esey ta sospecha cu gobierno no kier drecha e caminda. E no ta un secreto cu debi na awasero, hopi caminda na Aruba ta den mal estado.
