Brynder Lampe tabata e prome Arubiano cu a crusa e meta final di Ironman na Cartagena.
El a splica cu el a bay bon y e ta contento cu el a cab’e. Aunke cu den landamento el a haya un skop bao di su pecho cu a desvi’e completo.
E mester a traha mas duro riba bicicleta, pa e por a recupera e daño un tiki.
El a pasa basta hende na caminda. E no tin nada di keha pa loke ta bicicleta. Aunke si por bisa cu el a haya calamber na su pianan, cu pa motibo di falta di bon nutricion cu a haci cu el a drenta den e estado ey. Pero el a caba e trayecto.
Riba bicicleta y na pia a bay bon, pero landamento si, e no kier a discuti mes riba dje.
Pa loke ta e tempo, el a yega di haci miho. El a yega na 6:32. E tabata casi un ora despues cu e competencia a cuminsa.
Proximo competencianan
Lampe a splica cu e tin un proximo competencia caba. Aunke e kier a recupera si durante e temponan aki. E tin mucho hopi careda cori tras di otro y su curpa ta pidi descanso. E lo bay si pa e ronde van Aruba, cual lo tuma luga den Mei di otro aña.
Tambe e kier a traha riba un soño di dje pa bira realidad, unda cu e lo pusha un mucha homber den rolstoel pa 2020. Y pa despues e mesun mucha homber aki bay pa Paralympics. Lampe kier cumpli cu e meta di e hoben aki. Ta pa e motibo aki e kier a dedica na dje.
E lo keda por ta coy un careda mas pa otro aña. El a splica cu tin basta mucha cu por bay Paralympics. No tin nada cu por para un hende pa yega su meta. Abo tin cu pone pa bo yega na bo meta y bo ta bay pe. No tin nada cu por stroba. Esey semper tabata su meta, cu nada no ta strob’e.
Mensahe
Lampe ta manda un conseho. Pa bo haci e deporte aki, ta gewoon dedicacion cu bo tin cu haci sacrificio. Si bo kier logra algo, bo tin cu haci sacrificio. Tur hende por yega un dia haci’e. E mes a wordo inspira door di otro Arubianonan cu awe e ta para unda cu e ta.
Keda semper positivo pa bo bay p’adilanti.
Clima
Pa loke ta e clima, Lampe a splica cu ta manera un fierno, 34 pa 35 grado Celsius. Ta sinti e damp di cayente y no tin biento tampoco.
