Un persecucion na pia a caba na pelea entre algun hoben dilanti scol na San Nicolas. Un hoben confronta cu un grupo basta grandi contra dje a resulta agredi.
Den careda di 12:30 pm a pidi presencia di polis pa un caso di agresion caminda algun hoben a core tras di un guy y cuminsa bringa cu ne. Mesora polis a activa y presenta den area di Filomena College buscando e agresornan.
A topa cu e victima como tambe algun di e hobennan cu a forma parti di e pelea y cu a yuda agredi e hoben victima. A detene ambos hoben y transporta nan pa warda di San Nicolas. Aki lo atende cu nan mientras ta tuma contacto cu nan mayornan, cu tambe mester presenta na warda.
No ta conoci si e victima lo a pone denuncia di e agresion.
