Brasil lo crusa cu Mexico den e octavonan di final di Copa Mundial di FIFA, Rusia 2018 na Samara, despues di pasa pa e prome puesto di Grupo E ora cu el a derota Serbia 2-0 den e stadion Spartak di Moscu.
E Sur Americanonan a caba cu shete punto den tres partido. Serbia ta dispidi di e competencia tras di no a logra anota e victoria cu tanto e tabata tin mester.
Brasil a bay p’adilanti den minuut 36, ora cu Paulinho a yega pa despues haci un pase pa e buraco di Philippe Coutinho y a pone e bala riba e salida di e keeper Vladimir Stojkovic.
Serbia a presiona pa logra e empate, pero e tabata falta mas y na final el a bin abao den un knock out door di e potente cabesaso di Thiago Silva pa remata un sake di skina di Neymar den minuut 68.
Foto: FIFA©