Neymar a marca su di seis gol den fasenan di final di Copa Mundial di FIFA, prome cu e suplente Roberto Firmino a firma e sentencia den e triunfo di 2-0 di Brasil riba Mexico cu a habri caminda pa cuartonan di final na Rusia 2018.
E prome 20 minuutnan di partido a cuminsa cu El Tri presionando e ekipo Sur Americano. Pero cu tempo y e combinadonan di Tite tabata capas di bay creciendo dentro di e encuentro, generando mas oportunidad di gol y cu mas chens pa e ekipo habri e scoreboard.
Sin embargo, esey no a logra prome cu e descanso; aunke un biaha cu cu e di dos periodo a cuminsa, no mester a warda hopi pa mira Neymar celebrando. Den minuut 51, e astro Brasileño a remata a manda un gol mortal for di center. Brasil a sigui crea mas ocasion di gol y poco prome cu e tempo reglamenta a conlcui, Firmino a bin cu un di dos pa asina sentencia e victoria.
