Na momento di tira arma di candela den banki na warda tin un camara y esaki a trece polemica den comunidad. E personanan cu pasa laga arma di candela den e baki, segun Ministerio Publico, por ta sigur cu lo no uza imagennan di e camara di siguridad pa persigui nan.
Procurador General di Aruba, mr. Bote ter Steege, a indica loke a pasa den pasado ta ta keda pa pasado, pero esaki ta e manera cu nan kier hacie awo. Nan ta spera di ricibi hopi arma di candela. A haya hopi critica p’e decision aki. Cada decision di Ministerio Publico ta haya critica y e ta haya esey algo bon.
Ministerio Publico ta kere cu door di e accion aki lo haya un bon resultado riba e necesidad pa aumenta siguridad na Aruba. E ta prefera pa den e temporada aki di Pasco, pa ningun hoben perde nan bida door di arma di candela. P’e motibo ey nan ta haci e accion.
Segun e procurador general, den e campaña aki, ta pidi tur hende entrega nan arma, na un forma anonimo y ta garantisa cu no ta persigui nan. E sistema aki ta diferente na Hulanda. A sigui splica cu esaki tin di haber cu kier pa entrega hopi arma, pues lo no persigui esunnan cu tin e arma. Tanto su persona como altocomisario no tin idea di cuanto arma di candela a entrega caba den e bakinan disponibel.
E camara no ta eynan poni pa gara ladron, no ta eynan pa filma hende ta bay entrega arma. E camara ta poni p’e siguridad di warda di polis, segun PG a enfatisa.
Pa mas lesa TREMPAN.COM.
