Diaranson atardi alrededor di 4:45 pm a sosode un accidente cu herido rib’e camind’i Siribana, net panort di Fa Yang Supermarket.
E autonan envolvi den e accidente ta un Hyundai Accent y un Mazda color blanco. E chauffeur di e Accent a resulta herida pa cual ambulance a transport’e pa hospital p’e ricibi atencion medico avansa.
Polis a cera un banda di caminda mientras e specialista di trafico a registra y documenta e accidente. Tur cos ta mustra cu e Accent a subi caminda sin duna preferencia. Investigacion lo saca afo kico exactamente a sosode.
