E crisis na Venezuela lo keda resolvi dentro di un aña. Esaki ta loke e minister di Relacionnan Exterior, Stef Blok ta spera. Esaki por a saca afo for di su contestanan riba preguntanan for di Tweede Kamer di e tratado cu Merca pa e instalacionnan central na Corsou. E hub aki no mester costa Reino nada.
Solamente bao di e condicionnan aki mester celebra e tratado den Tweede Kamer. Esaki tabata conoci caba, pero e comision pa Asuntonan Exterior, no a acepta di inmediato y a manda e minister un lista di pregunta riba e tratado.
Blok no ta sensibel na e obervacion di e comision cu e “situacion di politica internacional ta altamente sensibel cu merece e consideracion democratico di e parlamento Hulandes.”
“A eligi un tratado cu un limite di tempo di un aña, pasobra ta spera cu e crisis actual na Venezuela ta tepmoral,” e ta contesta. Ademas di esey, tabata necesario actua cu rapides debi na e deterioro di e situacion den e pais.
Encuanto costo, Blok a bisa cu Merca ta carg’e, aunke e ta sosteniendo un golpi chikito.
“En principio no tabata tin costonan asocia cu e tratado. Nos por uza e capacidad administrativo di e gobierno di Corsou cu mayor intensidad.”
Ademas, a cera contractonan di huur y lease pa e uzo di e instalacionnan riba e isla. Cu respecto na e yegada di e personal Mericano, ta aplica e mesun condicionnan pa e centro como tambe pa e personal di e oficina di FOL na Corsou. Actualmente no tin Mericanonan riba e isla pa e hub aki.
Tambe, e respuestanan ta mustra cu e ayudo no ta proporciona directamente pa e gobierno di Merca, sino pa organisacionnan cu ta subsidia of contrata pa e gobierno Mericano. E personal di e socionan aki no ta gosa di inmunidad diplomatico na Corsou. Na e momentonan aki, Venezuela no ta suficientemente sigur pa e envio di mercancianan pa e pais, Blok ta bisa.
Si por manda mercancia pa paisnan bisiña manera Colombia y Brazil pero e minister no ta comenta si ta existi plannan concreto pa esaki.
E minister tambe ta bisa cu Hulanda no ta organisa ayudo humanitario pa e Venezolanonan, pero cu Reino ta contribui si “na e ayudo humanitario den un marco multilateral, por ehempel atrabes di Nacionnan Uni.”
