Birkenstock ta preparando pa un grandioso Shoe Bazaar, caminda cu bo tin e oportunidad di busca bo sapato te cu 60% di descuento.
Yvonne Simon a splica cu un biaha mas nan ta desea di brinda na nan fiel clientenan e fin di siman aki nan grandioso Shoe Bazaar Tent Sale. E ta un fin di siman cu semper ta hopi gusta, unda cu ta ofrece descuentonan pa solamente dos dia.
E ora ey dialuna tur cos ta bira prijs normal. Ta invita pueblo di Aruba, fiel clientenan, esnan cu ta buscando algo sumamente comodo, pa bin wak tur loke ta bay tin e fin di siman aki, diasabra y diadomingo, for di 9’or di mainta pa 6’or di atardi. Descuentonan pa henter famia cu ta bay for di 10 te cu 60% di descuento.
E aña aki ta haciendo 21 aña cu e compania brindando cuido y atencion pa e salud di pia pa nos henden na Aruba. Pesey tambe ta enfoca hopi riba e parti di cuido cual ta hopi importante y ta yuda tur esnan cu ta sinti un molester.
E banda cu ta haci’e mas interesante ta cu no ta solamente cu bo tin mester di bisti un sapato pa kita bo dolor di pia, pero cu e por ta algo cu estilo cu bo por cana na trabao cun’e.
Productonan di Birkenstock/Footfit ta di Europa. Ta enfoca hopi riba e parti di calidad. Sapatonan ora cu bin bishita Birkenstock/Footfit ta cumprando un bon sapato. Pero lo mas importante ta e material y e comodidad maximo cu e ta duna. Tanto den sapatonan anatomico como semiortopedico tambe.
Manera sapatonan di Finn Comfort ta hopi bon gusta. Ta simplemente recomenda e sapatonan aki, cu ta traha door di ortopedistanan cu un plantia di korki hopi special, cu ta haci e ora cu automaticamente bo e ta bay trece un balans den bo pia. E plantia ta haci un coreccion na e forma di cana y esey ta loke cu ta bay trece e descanso completo. Di e forma ey tambe, e coleccion di Finn Comfort ta gusta cerca e diabeticonan, pero tambe esnan cu a purba tur sorto di sapato, tur sorto di plantia y nada no a resulta. Por garantisa e producto aki sigur lo haci y resolve e molesternan di enkel, rudia of lomba, cu hopi biaha personanan ta sinti. Esey ta loke cu Birkenstock/Footfit ta ofrece.
Birkenstock dimes ta mas e clientenan ta bin busca, pasobra nos clima tambe ta duna pa cana cu sapatonan habri. Concepto di e plantia di korki, ta loke ta haci e sapatonan di Birkenstock/Footfit diferente.
Tanto Birkenstock, Finn comfort, Solidus, y tur otro sapato cu clientenan ta custuma cun’e, ta sapatonan cu ta carga e concepto di e plantia semiortopedico of ortopedico, depende cua di e marcanan ta brinda na e cliente y asina tambe por garantisa cu e cliente no ta sinti molester. Hopi biaha berdad nos ta scoge pa moda, vooral e damanan. Pero na final toch bo ta ripara cu e ta molestia hopi y deformacion tambe. E parti di por cuida e pia, cu no ora cu bo yega na un edad halto bo ta sinti cu ya bo pia ta totalmente deforma. Ta pesey ta brinda di tur un tiki.
Tambe tin e coleccion Naturalizer den e caso aki. Nan tin tanto sapatonan di hilchi y tambe mocasinnan. E parti di mas bunita ta, cu e tin estilo. Pa un dama sigur, ta gusta estilo. Pero semper ta ripara cu na final di dia bo pia ta hopi cansa y e coleccionnan na momento cu ta haci e ordo, ta tene semper na cuenta cu e factor di e haltura di e hilchi, pa cuida e lomba, p no ta demasiado halto pa por molestia e lomba na fin di dia. Mayoria di e clientenan ta busca sapato eynan paloke ta nan sapato diario. Esey ta e parti di mas importante.
Si bo tin un trabao, bo tin cu bay comodo, pasobra na final, bo kier sintibo comodo tambe. Esey ta loke ta brinda.
E coleccion di Birkenstock/Footfit ta varia, segun Yvonne Simon. Semper ta sorpresa e clientenan y nunca no ta bisa den cua coleccion ta bay pone hopi descuento. Pero ta pesey mes ta invita pueblo di Aruba pa bin diasabra y diadomingo, for di 9’or di mainta te cu 6’or di atardi y ta bay habri tentnan pafo y asina ta bay ta sacando tur coleccion na descuentonan formidabel pa solamente dos dia.
