Awe mainta a haya e informacion oficial di Cuerpo Policial di Aruba cu e cantidad di detencionnan di diahuebs pa diabierna mainta, durante e nuebe (9) oranan di Toque De Queda, tabata 22.
Informa oficial a drenta diabierna mainta di e total di persona deteni durante TDQ pa Cuerpo policial . E Toque de Queda ta valido for di 9:00 PM pa diabierna mainta 6:00AM. Un total di 22 persona no a respeta e ordo aki y consecuencia tabata nan detencion durante e control. Asina por ehempel Polis tabata para banda di caminda grandi riba Green Corridor pa controla e autonan cu ta pasa si ta hendenan cu tin permiso pa ta riba caya. Naturalmente memey di nan tabatin personanan cu no por a mustra e papel special cu ta indica cu pa motibo di trabou nan ta riba caya.
Cuerpo Policial ta recorda e comunidad cu TDQ ta algo serio y como tal esnan cu no respeta esaki lo tin cu atene nan mes na e multanan corespondiente. Ta conta pa tur esnan cu ta transita sea den auto, bicicleta of ta na pia despues di e ora stipula. Tur hende mester ta paden di nan cas.
Te aworaki den cinco dia di TDQ a detene 141 persona y cu cada uno cu un minimo di 1000 florin na boet ta haci e total di boetnan reparti na 141 mil florin.
