Candela basta grandi na Noord Cura Cabay a spanta bisiñanan

Diabierna mainta ta drenta informacion cu lo tin mondi na candela den area di Noord Cura Cabay. Testigonan a conta di lo a mira dos hoben cu lo a cende e mondi intencionalmente na candela y despues sali na careda direccion Butishi.

Habitantenan di Noord Cura Cabay 49B a pidi asistencia mas pronto posibel mirando cu e candela lo tabata menasa nan cas. Mirando cu ta trata di personan grandi di edad a evacua mesora como prevencion. Mientrastanto e prome unidad a yega sitio y a cuminsa combati e candela patras cu tabata cay den area di Mabon / Noord Cura Cabay.