Benny Sevinger a entrega un denuncia contra Prome Minister mr. Evelyn Wever-Croes. Ministerio Publico a inform’e cu nan no ta bay persigui e mandatario, pero Sevinger ta dicidido di bay apela esaki.
Si seponeer e caso, Sevinger lo bay Corte di Apelacion pa apela. El a confirma cu e lo bay mas aleu. Si e tin di bay internacionalmente, bay Hulanda, Nacionnan Uni, unda cu ta p’e haya su derecho, e lo haci esey. Asina ey p’e mustra con husticia ta funciona na Aruba, e lo haci esey. Cu tur obstaculo cu tin, pasobra ta keda bringa contra instituto cu supuestamente mester ta neutral. Ta bringando gobierno, caminda nan mester mira e interes general. Pero gobierno no ta haci esey y ta mira interes di partido. Interes di partido ta pa persigui Benny Sevinger, pa mat’e politicamente. Esey ta algo cu nan ta mira y bo tin derecho, el a expresa.
Segun Sevinger, el a haci un investigacion, pasobra e discriminacion di Ministerio Publico ta trece e pregunta dilanti di unda por bay reclama. Huridicamente ta bay reclama na HOF pa obliga OM pa cuminsa asina mes c’un investigacion. Sevinger ta bay haci esey, pero asina mes e tin duda caba.
El a splica con e proceso ta di entrega un keho y OM ta bisa no ta bay haci un investigacion. Pero ora di bay HOF y duna opdracht cu mester haci e investigacion. Esun encarga cu e investigacion ta bisa HOF cu el a hacie, pero no a haya nada. E ta haya cu esaki no ta obhetivo.
Su persona a sigui haci investigacion, e kier sa unda por entrega un keho contra Ministerio Publico, contra e Procurador General (PG), of esun straf rechtelijk, unda e por bisa di sinti su mes discrimina. Hera nan ta bis’e pa bay na Minister di Husticia. Kiermen Sevinger tin di bay entrega keho cerca e persona cu a entrega keho contra dje p’asina e por bira Minister di Husticia pa indica cu Ministerio Publico ta trat’e diferente. Ministerio Publico a haya un dossier di 500 pagina fo’i Sevinger.
Pa mas lesa TREMPAN.COM.
