CHATA a tuma nota di e demostrashon ku a tuma lugá dia 17 di ougùstùs 2018 na Baoase Luxury Resort.
CHATA a aserká tur partner envolví I a wòrdu informá pa outoridat ku e resòrt a kolaborá for di inisio I ku nan tin tur pèrmit nesesario pa por operá.
Ta sumamente importante pa gobièrnu duna klaridat na komunidat tokante e situashon legal pa ku maneho di nos playanan. I alabes un klaridat pa ku tur pèrmit ku e resòrt ta disponé di dje, pa evitá ku un situashon similar por okurí den futuro kual por tin un impakto negativo riba nos ekonomia.
E sektor turístiko ta empleá mas ku 11.000 persona I ta kontribuí ku mas ku 900 mion florin riba un base anual na nos ekonomia. Pa e sektor por sigui desaroyá nos mester apoyá desaroyo di nos produkto turistiko. CHATA ta hasi un yamada na komunidat kompleto pa bini huntu I sostené nos sektor turistiko.
