Diasabra den careda di 6:00am, famianan di un cas situa na Shiribana, a bati alarma pa un pelea cu a bay fo’i man. Na e sitio Polis a topa un cas tur reboltia y famianan di e cas no por a controla e situacion mas. E situacion tabata tenso ainda!
Tabatin varios glas benta abao y e porta di cas dilanti tambe tabata na werki. Di biaha a pidi asistencia di Departamento Forensico, mirando cu a uza arma blanco pa agredi un of mas persona y kibra cos den e cas, segun informacionnan na e sitio. 
Polis a papia cu doño di e cas y a conseh’e pa pasa dialuna entrega keho na Recherche si e ta desea di haci esaki.
