La Celeste, e miho defensa di e fase di grupo, sin ningun gol en contra, a wanta diasabra na Sochi contra di Portugal, ganando nan 2-1 y lo midi cu Francia den cuarto di final.
E gol inicial di Edinson Cavani den e prome compasnan, for di e pase di Luis Suarez, a pone e encuentro hopi di cara pa e Uruguayonan, cu por a permiti e ora ey laga pa Portugal ataca. E cuadro Luso a limita den bay rond di e retaguardia solido contrario, wardando un aparicion di Cristiano Ronaldo, pero su gran figura no a yega di mira e porta di gol, ni sikiera cu un golpi franco cu tabata tipico p’e.
E campeonnan di Europa a ekilibra e bala, cu un cabesaso di e defensa Pepe den un sake di skina den e parti inicial di e di dos tempo. Di nada e lo a sirbi, ya cu Cavani a sentencia, conectando despues un sensacional tiro crusa. Uruguay lo a sirbi, pa mustra e mesun solides defensivo contra e atake di Francia, cu a gana Argentina algun rato prome. E cita lo ta dia 6 di Juli na Nizhni Novogorod.
