Diadomingo anochi alrededor di 8:25 pm polis y brandweer a presenta cu maximo urgencia pa Jan Flamming p’un auto na candela. E auto ta marca Chevrolet color blanco y tabata staciona dilanti un cas. Na yegada di polis, a topa cu vlamnan grandi ta sali for di e auto.
Ningun hende sa con e candela a cuminsa. Habitantenan di e area a conta cu a scucha un explosion y a sali topa e auto na candela. Na sitio, un specialista di bombero comenta cu tur cos ta mustra cu a cende e candela intencionalmente, investigacion lo saca afo kico exactamente a sosode. Den un rato di tempo bombero a logra combati e candela aki.
