Dos auto tabata envolvi den un accidente cu a tuma luga diasabra anochi riba Green Corridor, na altura di Pos Chikito. E hecho aki a sosode rond di 9’or di anochi.
Pa por atende cu e situacion, a cera e caminda entre rotonde di Pos Chikito y Brug Fredis Refunjol pa por atende cu e accidente.
A resulta cu tabatin dos auto envolvi. E Kia Rio color shinishi numera A-52166 tabata biniendo for di Pos Chikito bayendo Playa, mientras cu e otro chauffeur esta di e Ford shinishi numera A-18776 a splica cu e tambe tabata bayendo Playa. El a splica cu e Kia tabata pega hopi su tras y a bay hala na banda na su banda drechi cu consecuencia cu e Kia a pone señal pa pas’e na su banda robes y no a mira e pick up color blanco nr A-66660 cu tabata coriendo na su banda robes. E pick up blanco a perde control dal riba acera kap su taira y e Kia a perde control drenta mondi na su banda drechi.
Ningun persona a resulta herida. E Ford no a haya daño material mes. E Kia y e pickup so a haya daño material. Dos polis di trafico a presenta na sitio pa tuma dato di e accidente.
