Fin di siman polisnan a tene diferente tipo di control. Riba diasabra den un di e controlnan aki a detene empleado di un negoshi.
Diasabra den careda di 7:30pm polisnan tabata basta activo ariba caya ta controla negoshinan cu ta di bende cuminda y alcohol. Dado momento durante un control na Silla Bar Restaurant polis a pidi papel na un di e trahadonan di e luga pa wak si tin tur cos na ordo. A resulta cu e dama no tabata tin su permiso ariba dje cu el a lubida na cas.
No a keda nada otro cu detene y transport’e pa warda di polis pa mas investigacion pa wak si e dama ta legal na Aruba.
