Velocidad halto tabata un factor. Un chauffeur femenino a resulta herida despues di a bolter cu su vehiculo riba Green Corridor despues di e rotonde di Drive In.
Esaki a tuma luga den careda di 9:30 am ora cu a indica cu un auto KIA shinishi (A-16588), riba velocidad halto a bay pasa un otro vehiculo y perde control. A tuma nota cu el a bolter riba e berm (particion meymey di caminda) y keda den su banda. Segun por a compronde, e lo tabata di rotonde Drive In biniendo for di direccion abou y bula e berm y cay pa e otro banda.
Mientrastanto a pidi presencia di ambulance pa atende cu e victima cu a bay hospital mesora. No tabata herida di gravedad pero pa siguridad a transport’e pa atencion medico. Na e sitio, polis a cera caminda pa asina por a traha mas lihe y sigur posibel.
