Diabierna ultimo na Villa Floralina, tabata un dia grandi pa staf, personal y e clientenan di SABA, awe cu un nomber y logo nobo.
E ta conoci awo como CMCC (Centro Medico pa Cuido Cronico), pero e servicio y cariño cu e ta brinda nos grandinan ta keda mesun cos cu 50 aña pasa.
Geraldine Ponson, secretaria di directiva di CMCC (antes SABA), a conta cu ta trata aki di 50 aña di cuido. A cuminsa cu e grandinan cu tabatin mester y no tabatin caminda di bay. Nan a drenta SABA pasobra nan tabatin mester di un luga.
Awendia nan ta structura, ta organisa y ta enfoca mas riba e aspecto di ‘ouderen geneeskunde’. Den e ultimo decada varios specialista den dienst, pa enfoca riba cuido cronico.
Ponson ta sigui splica cu eynan ta bayendo aworaki pa enfoca mas riba cuido cronico, nificando no solamente n’e grandinan cu ta gran parti di e populacion cu ta lucha cu problema di cuido cronico, pero tambe e adultonan hoben cu tambe ta sufri di problema cu cuido cronico.
Ta papiando di esunnan cu a haya accidente, cu a nace cu un of otro problema di salud cu ta envolvi cuido extendi (langdurige zorg). Esey t’e caminda cu ta bayendo aworaki. P’esey riba e dia special aki, no solamente nan ta duna cuido na nos grandinan, pero tambe cuido na esunnan cu tin un ke otro malesa cronico. P’e motibo aki mes a cambia e nomber di SABA pa CMCC.
Pa mayor cobertura lesa TREMPAN.
