Diadomingo merdia alrededor di 1:00 pm a sosode un accidente di atencion riba Green Corridor. Ta rib’e via entre rotonde Ser’i Tijshi cu rotonde Drive-In, pues for di West pa Oost (Oranjestad pa San Nicolas). Esey a pensa na prome instante anto. Na sitio, berdad a topa cu un auto marca Toyota modelo Yaris color blanco na werki benta den mondi.
Tabatin tres persona den e auto, pa cual tur tres a resulta herida. Pa atende cu e accidente, tabata necesario cera ambos banda di caminda, pues tur dos rotonde. Mirando e seriedad di e accidente, a solicita e instancianan concerni pa presenta na sitio.
Investigacion preliminar a saca afo cu e auto tabata biniendo for di pariba y pa un motibo of otro, a perde control, bay na su man robes, bul’e particion di caminda, bolter pa cual a raspa varios mata y bay cay otro den mond’i cant’i caminda. E daño tabata basta.
Na sitio a nota presencia di e specialista di trafico di polis pero tambe nan hefe, Maureen Dirksz, vocero suplente di Cuerpo Policial, Liliana Rasmijn y sin mas hasta e fiscal di prensa, mr. Patrick van der Biezen.
E ekipo forensico di KPA tabata un di e promenan cu a yega n’e sitio pa cual mesora a inicia cu su investigacion. A transporta ambos victima pa hospital caminda tabatin un ekipo medico tabata wardando caba p’e yegada di ambulance.
Tur cos ta indica cu, entre e trio, e dama chauffeur tabata esun cu ta den un situacion di mucho mas atencion y tabata e prome cu ambulance a transporta pa hospital.
