Riba 15 di maart a tuma luga un edicion special di e noticiero Enfoke. Despues cu a transmiti riba Vondellaan durante e periodo di Carnaval, a ricibi masha bon reaccion. E fiel oyente-, televidente y siguidonan a pidi pa crusa brug y bin pariba.
Pa e simpel echo cu a regala un cantidad grandi di premio n’e pueblo di Aruba y cu un toke special di aprecio cu un copi di “Manera bolo preto na bruid.”
A scucha e peticion di e pueblo y a cumpli. Despues di delibera cu e ekipo interno y comercio, a ricibi “green light” pa ban pariba. A reparti varios premio, for di pasashi, stoel, gift certificate, taco, cups, pechi, t-shirt, chips y mucho mas, tur esaki danki na comercio. Locual a resalta durante e edicion special aki, ta e mensahe cu e pueblo a laga atras.
Abiertamente den microfoon a vocifera cu nan kier mira mas pa San Nicolas. Nan ta cansa di promesa falso di tur partido, for di berde, geel, blanco, blauw, shinishi y tur! Nan kier ayudo pa nan districto, e pueblo ta pasando den duro y mas aun ora un districto manera di San Nicolas no ta ricibi e atencion debido.
Nan ta mirando e desaroyo nobo di e hotel pero kier mira mas movecion. Unico momento cu sa mira e politconan den nan districto, ta na momento di campaña.
