Un rato pasa, den careda di 5:30 pm, a sosode un desgracia caminda auto a alcansa peaton. Ta net pabou di Cheng’s Supermarket na Bubali. Aki ta caminda cu un auto marca Mitsubishi color blanco numera A-23470 a alcansa un señora cu tabata crusando caminda.
Pa un motibo of otro, e chauffeur no a tuma nota cu e peaton tabata crusando caminda. E impacto tabata fuerte cu hasta cabey di e peaton a keda pega den e windshield di e auto. Ambulance a presenta pa brinda atencion medico n’e victima.
Despues cu e paramediconan a stabilisa e victima, a transport’e pa hospital p’e ricibi atencion medico avansa. Polis a cera ambos band’i caminda p’asina e specialista di trafico documenta e accidente.
