Corte a tuma no menos di un ora y mey pa trata e caso penal contra e polisnan Jerrick Boekhoudt y Nelson Sanchez, acusa di a tira un homber mata dia 28 di september 2020 na Sero Pita. Sinembargo no ta condena nan!
Nan tabata dos di e cuater polisnan cu riba e fecha menciona a bay asisti na un problema na un cas na Sero Pita. Un adres conoci pa polis, ya cu e homber Wilson Bermudez di 48 aña di edad, ta un persona agresivo, ta bebe y discuti cu famia. E dia en cuestion esey tabata e caso atrobe.
Aunke cu na yegada e no tabata agresivo, esaki a cambia ora cu na momento di su detencion a neng’e di bisti un flanel, ya cu e tabata lomba sunu. El a sconde den camber unda el a kibra un boter y bay riba e polisnan cu e boter kibra, pa cual nan mester a sconde. Polis Boekhoudt tabata hopi cerca di dje y a saca su arma di candela pa los tiro, for di momento cu el a saca e pistol di e houder. Tironan cu a resulta fatal.
Ministerio Publico ta haya e delito proba pero a pidi pa exonera nan di persecucion legal pa esaki. Y esey tabata e decision di hues tambe.
Pa mas informacion, lesa e siguiente edicion di TREMPAN.
