For di prome cu a cuminsa cu e proyecto di caya grandi, Audrey Croes-Lacle tabata na mesa. Tabata tin hopi plan cu a wordo papia, pero na concretisa. E ta splica cu hopi cos n a concretisa. Por ehempel e parkeo. E proyecto na 2010, door di Schwartz Engineering, cu e bid programmer cu a huur, a costa hopi placa.
Sr. Michael Wise cu a bin cu tur sorto di idea. Te hasta a traha riba e prome aña di e budgeting pa bin cu un bid. Tur esaki a wordo paga pa Gobierno, pero tur e plannan aki a wordo bandona. Bo ta haya por ehempel cu si e tram tin e fluho manera debe ser, cu nan ta bisa tambe y menciona esaki ta e last stop, boso baha, boso mester coy e next tram, e cosnan aki mester core den un regelmaat concreto cu hende por depende riba dje. Bo ta haya cu hende por cana den caya. Pero manera cu e ta bay awor aki, e no ta trahando. E hendenan ta keda sinta. Tabata tin hopi comentario over di e señora cu coco den caya, cu tabata un pilot project pa wak si e hendenan lo baha for di tram uberhout pa at least bebe un awa di coco. Ni esey no a traha den caya cu e tram. Mester reinvent e manera con e tram ta bay rond den e schedule.
A pensa tambe cu mester por tin oportunidad pa habri diferente zijstraat, cu e caya ta bira mas accesibel ora cu kier baha un hende den caya, of wak algo den caya y te hasta cu anochi, despues di 6’or cu e caya lo por habri pa trafico.
Pesey ta boga tambe pa wak e encuesta cu mester a tuma luga na 2016 na fin di aña.
Parking tambe tin cu wordo reinventa. Na e momentonan aki no ta traha y ta haya pakico un hende ta paga un suma pa luna, pero den weekend e no ta parkeer, pasobra e no ta traha den fin di siman, pero e luganan aki no por wordo uza pa un cliente cu si lo ta desea di haci’e. Hopi biaha te hasta pa paid parking no tin luga pa parkeer. Ta compronde tambe cu e empleadonan mester parkeer mas leu, pero si e tram a funciona manera cu nan a papia ariba cu patras di Aruba Trading Wholesale Department, lo a pone paking free, e hendenan ta parkeer y nan ta drenta cu e tram. Pero si e tram no ta tijdig y hende no por yega nan trabao y merdia no por depende ariba cu e tram tin e flow manera debe ser pa por bay bek pa nan coy nan auto, busca yiu na scol of cualkier otro cos cu nan kier haci, esaki tampoco no ta trahando. Mester pa e cosnan aki wordo reinventa y wak pa nan por traha. E posibilidad cu auto y tram lo por core hunto cu ta pasando den hopi pais, y tin yen di ehempel. Por subi y Google esaki, unda cu por wak unda auto y tram alabes ta pasa. Si coy Amsterdam, esaki ta pasa. E cosnan ey ta trahando pa añanan largo. Aki e tabata un flop y tin cu admiti esey. Tin cu wak con pa remedi’e. No por bira lomba pa un proyecto asina grandi, cu a gasta asina hopi placa y laga tur e negoshinan muri. Ora cu no tin bottomline, no tin placa pa busca cerca comerciantenan tampoco, di parti di gobierno.
E lucha
Segun Audrey Croes-Lacle, no mester give up. Ta lucha tur dia pa purba di make it. Ora un tienda manera Wulfsen & Wulfsen cera y e empleadonan no sa con grave e situacion ta, ta hopi erg. Negoshinan mester ta den un teamwork cu su empleadonan. Empleadonan ta depende di nan salario tur luna. Nan tambe tin famia pa cria. Awor aki no ta bay pa nos comerciantenan solamente sobrebibi. Tur hende cu ta forma e forsa laboral ta spera pa sa unda nos ta. Nan tambe ta preocupa pa nan trabao. Esaki ta algo cu mester ta alerta p’e y no mester sconde riba un dia malo of no. Mester comparti cu nos hendenan. E metanan mester wordo yega pa tur por keda na pia di trabao.
Promocion
E hobennan por tin hopi bon idea den e asociacion. Ta haya duele si nan mester bay den e mesun ruta cu Croes-Lacle a bay, door di purba y nada ta un exito. Pesey ta bisa, e team mester ta hunto, e organisacion mester ta algo cu mester ta serio, no algo cu ora cu bo kier bo ta participa como negoshante y ora bo no kier bo no ta participa. E plantsoenendienst tambe mester wordo regla. E matanan ta hopi verwaarloosd. Nunca a wak cu nan ta haya vitamina. Dilanti di CMB mes e matanan ta muriendo. Tin caminda cu nan ta largo di mas, cu ta stroba pa wak otro banda di caya. Tur esakinan ta cosnan cu mester pone puntjes riba e I. Tambe ta boga pa bin cu un cierto incentivo pa e comerciantenan pa por desaroya por ta viviendanan riba e parti ariba den caya, pasobra vivienda ta trece control social. Bo ta wak cu vandalismo ta creciendo atrobe den caya, Croes-Lacle a splica.
