Diadomingo anochi alrededor di 11:40 pm a sosode un accidente riba e caminda di Shiribana pa Paradera. Aki ta caminda cu chauffeur di un Hyundai Accent color blanco numera A-11063 a alcansa un peaton net dilanti di Subway. Segun habitante a conta na sitio, ta cu; for di mainta e peaton ta crusa caminda sin pone atencion na trafico.
E peaton ta un conoci di polis, por hay’e diariamente ta frecuenta den e area menciona. E peaton a ricibi algun rasca na curpa y sla na cabes. Ambulance a presenta p’asina brind’e atencion medico. Tin cu remarca cu no ta prome biaha cu auto ta alcansa peaton riba e caminda menciona.
