Diadomingo anochi alrededor di 9:00 pm a sosode un accidente semi-frontal riba e caminda di Shaba, net dilanti di Do it Center. E autonan envolvi ta un Kia Picanto color preto y un Toyota Vitz color shinishi. Na sitio a bin compronde cu e Vitz tabata biniendo for di Noord direccion Playa y e Kia for di direccion contrario.
E chauffeur di e Kia a resulta levemente herida, e tabata keha di basta dolor na curpa mirando e impacto fuerte y cu hasta airbag a sali. Ambulance a presenta na sitio pa brinda e chauffeur atencion medico. Di otro banda, e chauffeur di e Vitz a conta cu: “Mi no sa con el pasa”, e tabata spanta y no por a ni pensa bek kico a sosode. Pa kita tur duda, specialista di trafico di polis a presenta na sitio pa documenta y investiga e accidente aki.