Dia 12 di augustus ta e dia internacional di hubentud y pa esaki Asocacion Trabao pa Hubentud na Aruba (ATHA) ta presenta e di 6 edicion di Poder pa Hubentud. E asociacion ta enfoca na crea un plataforma uda cu por resalta e bon trabou cu e hobennan ta haci.
E hobennan aki ta profilia nan mes pa ta ehemplar den comunidad pa futuro. Di otro banda Poder pa Hubentud ta concentra su mes den resalta hobennan como poderoso, kendenan ta dedica nan tempo liber na yuda otro mehora. Esaki por ta un grupo di mucha, hoben adulto y un hoben cu tabata den un situacion dificil y a logra sali for di dje, asina Liandro Loopstok, lider di ATHA a bisa.
Riba e dia di awe ATHA hunto cu e comision di Poder pa Hubentud ta habri inscripcion p’e di 6 edicion di Poder pa Hubentud.Rafael Garcia, hoben VIP 2019 di e asociasion, a splica cu desde 2015 a bin cu e proyecto aki y ta duna hobennan empuhe pa sigui haci bon trabou. Den e proyecto aki e hobennan lo pasa un trayectoria, unda nan lo planta un base y na fina di e competencia mester presenta un proyecto.
Esnan cu gana e proyecto aki, lo por haya sosten di e otro participantenan. E proyecto aki tin dos categoria, esta hoben di 15 pa 17 aña y hoben adulto di 18 pa 21 aña. Desde september te cu november e proyecto aki lo tuma luga, asina Garcia a splica. Pa por nomina un hoben, por haci esaki via Facebook of Instagram Poder pa Hubentud. Tambe por manda un email na [email protected] of un whatsapp na 5655543.
