Den un nota positivo, minister Dangui Oduber, durante e conferencia di prensa di gobierno, a toca tema di e situacion di turismo na Aruba.El a menciona cu pa e siman aki ta bay spera mas turista compara cu siman pasa.E fin di siman cu ta bin ta spera mas of menos 5.700 pasahero.
Esaki sigur ta algo positivo cu keto bay, apesar di e situacion di cantidad di casonan positivo cu tin na Aruba, e turistanan tin confiansa pa bin pasa nan vakantie na Aruba.
Ta pesey ta spera cu por keda maneha e balansa di salud y economia y ta depende hopi di e comportacion y e disciplina di nos comunidad y ta keda haci e apelacion na nan, pa sigui e protocolnan pa asina por keda mantene nos economia na un forma reactiva pero tin cu keda monitor diariamente e situacion di capacidad na hospital.Si sinti e necesidad cu tin cu tuma mas medida, lo haci esaki. Pero te cu awe no ta sinti e necesidad aki.
