Astros Softball Organization a organisa nan torneo di softball y a dedica esaki na Humphrey Mohamed. E torneo aki ta pa nan recauda fondo.
Giovanni Gomez, secretario dje organisacion, a splica cu den henter luna di april nan ta organisa nan torneo y esaki ta algo cu nan ta tene anual pa asina nan por recauda fondo. Den e caso aki nan a scoge pa dedica e torneo na Humphrey Mohamed, kende tabata un ser keri den e team. Humphrey Mohamed tabata e ex-manager y esey tabata e parti special dje torneo.
Humphrey Mohamed tabata manager dje team na momento a cuminsa cu ne bek na 2019. Gomez a conta cu Mohamed a bin di un famia di pelotero y no a keda nada otro pa nan dedica esaki na su persona. Tambe pa mustra respet na su famia y e aprecio cu e team tin p’e.
E torneo a cuminsa desde dia 2 di april y ta bay te dia 30 di april, cual lo termina den un semifinal y final. Un total di ocho team ta participa y ta parti den dos poule. For di e poulenan ta saca e miho clasificadonan. E clasificadonan ta bay den semifinal y final. Nan ta bataya contra otro den liga 60. Segun Gomez tur miho team di dje liga aki ta den.
