Presidente di COTAL, Armando Bojorquez Patron, a splica cu nan a haci un ceremonia y reconocimento dentro di e prome congreso di destinonan emergente na un nombramento como embahador di COTAL, pasobra Vicky Perez lo representa cu su empresa, e interes y oportunidadnan cu ta existi di Aruba pa por consolida como un gran destino emergente. E prome congreso aki di destinonan emergente, nos por mira cu Aruba por ehempel, tin algo cu America Latina tin mester, mayor promocion cu Aruba ta rekeri cu e Latinonan sa cu nan ta bon ricibi. Cu na Aruba tambe ta papia Spaño. Por a mira na Aruba, cu tur receptor di turismo ta wordo haci den e idioma aki cu tin un atencion hopi bon, hopi special y mi miho pa tin un embahador cu ta difundi y cu ta haci sinti cu e Arubianonan por sinti nan mes feliz y contento di ricibi e turismo Latino Americano. Pesey a tuma e decision pa invita Aruba y a selecta un persona profesional den e medio pa e representa e interes y e retonan grandi cu e destino aki ta representa. E ta un mercado hopi interesante, esta Latino America pa Aruba, di cual ta pensa cu por haci mucho mas. Hopi biaha a pensa den otro mercadonan, den otro destino. Sa cu tin algun pais cu ta productornan grandi di turismo di e maraviyoso aki y tin biaha ta descuida otro mercado cu ta di gran potencial y cu tin hopi biaha hopi alternativa pa Aruba ta un di e gran destinonan emergente di e gran America. Y si ta existi un alternativa pa haci’e, solamente ta e boluntad politica, e boluntad di hende empresario, cu ta buscando pa uni esfuerso pa logra consolida Aruba como un gran destino y gran alternativa turistica pa America Latina.
A tarda
Aruba a tarda pa bira miembro di e confederacion aki. Pa prome biaha cu Aruba ta uni na COTAL. Pero mas bal tardi cu nunca y ki bon cu ta culmina e oportunidad pa converti Aruba como socio pleno di COTAL y cu ta existi e gran posibilidad di haci intercambionan grandi turistico cu ta hopi importante y cu un gran labor pa Aruba, pa America Latina y lo bay tin resultadonan pronto. Ta bon pa ricibi nan como socio di e confederacion y ta sinti como parti di America Latina y ta sinti un gran orguyo cu awe, Aruba ta uni na e gran compromiso y gran reto di logra un America Latina mas uni.
Ta keda reuni
Constantemente nan ta keda reuni pa mira e resultado di e exito di loke nan ta haci. Awe precisamente tabata e prome congreso di e estadonan emergente. Na Buenos Aires, Argentina, na October, lo bay tin un otro reunion pa analisa y mira e resultadonan cu ta desaroyando y despues, cu motibo di e 60 añanan di COTAL, nan lo tin e embahadornan na Roma, caminda cu nan lo wordo ricibi pa Papa Francisco, pa asina celebra e 60 añanan di COTAL. E Papa a duna e gran oportunidad di ta cun’e na November na Vaticano y lo tin e oportunidad un biaha mas pa haci un reunion pa mira e avancenan cu nan tin como Confederacion y e oportunidad cu e Papa duna su bendicion pa nan 60 aniversario como confederacion.
Ta un gusto cu den e audiencia papal aki Aruba tambe tey presente.
