iba 27 y 28 di februari a tuma luga e conferencia ‘Rumbo pa un fundeshi fuerte pa un acercamento efectivo’ na Boneiro riba e tema di acercamento administrativo di debilitacion. E participantenan a indica cu ta bon cu e paisnan autonomo y Hulanda Caribense ta busca cooperacion cu otro den e parti Caribense di Reino. Criminalidad no ta stop na e fronteranan insular y mester impedi cu actividadnan criminal ta move entre e islanan.
Siña di otro
E paisnan autonomo y Hulanda Caribense ta haya nan confronta cu tendencianan similar den criminalidad y ta desaroya instrumentonan administrativo similar pa combati criminalidad di debilitacion. P’esey nan ta mira e necesidad tambe di cooperacion. Por siña hopi di otro. Ademas tin mester di compromiso administrativo continuo di parti di tur gobierno. Na juni, durante e ‘Justitiele Vierpartiet Overleg, lo para keto na e avancenan cu a logra.
Informacion Regional y Centro di Experticio Hulanda Caribense (RIEC CN)
E conferencia a surgi for di e grupo di trabou acercamento administrativo cu ta opera bou di e bandera di ‘Justitiele Vierpartiet Overleg’ , den cual ta participa Aruba, Corsou, Sint Maarten, BZK i J&V. Aña pasa e Centro Regional di Informacion y Experticio (RIEC CN) a inicia na Boneiro (wak: Openbaar Lichaam Bonaire: Convenant RIEC CN bekrachtigd (bonairegov.com), un aliansa di partnernan di siguridad pa tin mas bista con criminalidad organisa y di debilitacion na Hulanda Caribense ta manifesta su mes. E paisnan Caribense kier amplia nan red y wak con ta posibel pa coopera cu RIEC CN y con por intercambia conocemento y experticio. Pa e motibo aki a scoge pa Boneiro como sitio pa e conferencia.
Un miyon pa acercamento administrativo
Den e caso di acercamento administrativo di debilitacion ta wak con – banda di un acercamento penal – por haci uzo tambe di instrumentonan administrativo pa preveni, señala y combati posibel criminalidad di debilitacion. Aki por pensa entre otro riba nenga of revoca permitnan di explotacion, screening ora di haci compra y destaho, ceramento di edificionan of interveni modificando plannan di destinacion.
For di 2022 BZK ta pone un miyon euro na disposicion di e paisnan Caribense Aruba, Corsou y Sint Maarten pa iniciativa riba tereno di acercamento administrativo. Pa regla esaki bon, a stipula y publica un protocol na 2023 den Staatscourant: Staatscourant 2023, 33574 | Overheid.nl > Officiële bekendmakingen (officielebekendmakingen.nl).
Bista atras riba e programa di e conferencia
Durante e conferencia a discuti entre otro e siguiente topiconan:
• Historia di acercamento administrativo na Hulanda Europeo y ‘best practices’ cu instrumentonan administrativo.
• Cual proyecto e paisnan Caribense ta ehecutando na e momentonan aki pa promove acercamento administrativo.
• E metodo di RIEC CN.
• E plan pa asistencia Hulandes pa atende cu criminalidad di debilitacion den e region Latino Americano y Caribense (LAC-regio).
• Ley Bibob, un instrumento cu cual gobierno por screen entre otro permit- y transaccion di biennan inmobil.
• Colaboracion di Financial Intelligence Units den Reino como ‘best practices’.
Door di haci uso di tools “bestuurlijk” na luga di “strafrechtelijke tools”. Tambe a papia di RIEC’s (Regionaal Informatie- en Expertise Centrum) unda diensten por share info (bestuurlijk) cu otro pa reduci riesgo di ondermijning. Boneiro tin un.
Por ultimo a papia riba ley di Bibob (Wet bevordering integriteitsbeoordelingen door het openbaar bestuur) cu ta algo cu nos a cuminsa traha riba dje na Aruba pa yuda gobierno pa tin tools pa screen cu cua persona/organisacion ta traha pa evita cu ta facilita criminal den nan cosnan.
