Diasabra mardruga na altura di Palm Beach, den cercania di Citgo Palm Beach, un Kia Rio numera V-3115 tabata core malo pa basta rato riba caminda, a dal riba acera y kap taira.
El a bin e stacion di gasolin pa bay yena su taira pero a ripara e taira tin un kap. Algun hende den area a yuda e turista pero na momento cu nan ta cla pa cambia e taira, Polis a bin atende cu e turista.
Aparentemente e turista lo ta coriendo auto bao influencia. A yama taxi pa bin busca e turista lagando e auto atras. Den comentarionan di nos Live por lesa algun hende ta skirbi cu nan mester a detene e turista, ‘ley pa un ley pa tur’ e usuarionan ta comenta.