Diadomingo awo, team di mas grandi di Aruba, Aruba Dolphins ta organisa nan Open Water Event.
E evento aki ta uno cu ta organisa anualmente pa asina e amantenan di Open Water por participa na e evento aki.
E aña aki e evento aki lo mas grandi cu nunca mirando cu den tempo record inscripcion pa e evento aki a yena.
E evento aki lo ta diadomingo awo 24 di september pariba di Zeerovers y lo consisti di 3 categoria 1, 3 y 5km y tambe di diferente categoria di edad.
Registracion lo cuminsa 6.30am.
Aruba Dolphins como team organisando di e Open Water a organisa diferente entrenamento di Open Water na cual no solamente nan team pero tur team cu kier por a join.
Diadomingo awo comision di mayor di Aruba Dolphins tambe a pone nan stand di Sopi y Snack Box pa asina recauda fondo pa e team.
E diadomingo aki lo ta simplemente grandi y Aruba Dolphins ta invita un y tur pa bin disfruta di e evento.