Aeropuerto di Aruba tin e placer di anuncia un avanse significativo den e biahenan aereo entre Fort Lauderdale y Aruba. Recientemente Spirit Airlines a reafirma su compromiso di fortalece nan conexion cu Aruba door di amplia nan servicio desde Fort Lauderdale.
Mas vuelo semanal
Anteriormente, Spirit Airlines tabata opera e ruta di Fort Lauderdale – Aruba dos biaha pa siman, cu vuelo diaranson y diasabra. Na momento cu a mira e demanda creciente di biahe pa e isla, Spirit a tuma medida proactivo door di aumenta nan servicio pa asina cumpli cu e demanda pa Aruba. Desde dia 6 di september, Spirit a aumenta su servicio pa nos isla, expandiendo di dos vuelo semanal pa cuater vuelo semanal. E itinerario nobo di vuelo ta diaranson, diahuebs, diasabra y diadomingo ofreciendo e pasaheronan mas flexibilidad den nan opcion di biahe.
Mas expansion durante Winter 2023-2024
Cuminsando dia 4 di october 2023, Spirit lo mehora nan servicio ainda mas door cu nan lo cambia di cuater vuelo semanal pa vuelo diario entre Fort Lauderdale (FLL) y Aruba. Lo opera e ruta cu un avion Airbus A321, proporcionando un capacidad di alrededor 228 asiento. Ta spera cu e expansion aki di Spirit lo genera aproximadamente 1.140 asiento semanal adicional di Aruba pa Fort Lauderdale, mehorando significativamente e conexion entre ambos destinacion.
American Airlines tambe ta aumenta vuelo
Ademas di e aumento aki riba e frecuencia di Spirit pa Florida, ta importante pa resalta cu American Airlines tambe lo opera un ruta pa Florida, specificamente Miami-Aruba, cu frecuencia dobel tur dia!
Itinerario di vuelo
E vuelonan di Aruba pa Fort Lauderdale ta sali di dialuna pa diabierna pa 3:30 pm y den weekend pa 5:15 pm. “E decision di Spirit di mehora su conexion cu nos isla ta e testimonio di e compromiso continuo di Aeropuerto di Aruba pa promove asociacion cu e aerolineanan y
expande continuamente su alcance global”, asina Jo-Anne Meaux-Arends, Aviation Business Development Executive na AAA, a duna di conoce.
Pa mas informacion tocante orario di e vuelonan mensual di Aeropuerto di Aruba, subi e website www.airportaruba.com/flight-schedules. Pa reserva bo vuelo pa Fort Lauderdale cu Spirit, subi www.spirit.com/. Pa reserva bo vuelo pa Miami cu American Airlines bo por subi
https://www.aa.com/homePage.do?locale=en_AW.
Tocante Spirit Airlines
Spirit Airlines ta un aerolinea lider di costo flexibel reconoci pa ofrece un balor excepcional den biahe aereo. Combinando disponibilidad cu un servicio excelente, Spirit a reinventa e experiencia di e aerolinea. Cu un flota moderno y eficiente den combustible cu ta opera mas di 650 vuelo diario pa 78 destinacion na Merca, Latino America y Caribe, Spirit ta duna e biaheronan e oportunidad pa explora mas cu opcion personalisa pa ekipahe, asiento, participacion di comunidad y responsabilidad social. Pa reserva bo siguiente biahe, subi www.spirit.com/.
Tocante AUA Airport
AUA Airport ta un di e aeropuertonan mas ocupa den region Caribe cu mas di 22 diferente aerolinea operando pa Aruba contribuyendo na mas cu 2.5 miyon pasahero pa aña y cu buelonan pa 22 diferente ciudad 34 diferente destinacion directo rond di mundo. Di e mercadonan cu AUA Airport ta sirbi, un total di 77% ta for di Merca y Canada, 13% for di Latino America, 6% for di Europa y 4% for di Antia Hulandes te cu luna di Augustus 2023.
AUA Airport ta reconoce cu esaki ta danki na e economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa bira un aeropuerto sostenibel, sigur y a prueba di futuro, den region Latino Americano & Caribense, brindando un luga di trabou confiabel, facilidad di un aeropuerto moderno y un servicio excelente cu ta e refleha hospitalidad Arubiano, contribuyendo na un futuro prospero pa Aruba.
Conoce mas di loke ta pasando na AUA Airport door di bishita www.airportaruba.com y conecta cu AUA airport riba Twitter.com/Aruba_Airport, Facebook.com/ArubaAirport, Instagram.com/arubaairport/
