E banco di cuminda Fundacion pa nos Comunidad (FPNC) ta sostene desde 2009 mas o menos 2750 famia cu tin retonan financiero y e aña aki a organisa nan “Meal Package Event” cu colaboracion di The Outreach Program.
Aruba Bank ta sigui sostene fundacionnan, duna bek na comunidad y e biaha aki a yuda cu e proyecto di FPNC “Connect to Impact”.
Aruba Bank a participa cu un grupo di empleado den e proyecto di “Connect to Impact”, kendenan mainta trempan a yega na Aruba Marriott Resort & Stellaris Casino. E empleadonan a yuda e fundacion cu nan meta pa traha 50.000 pakete di cuminda.
Aruba Bank ta orguyoso di por a participa den e proyecto importante aki, unda cu nan ta duna bek na comunidad. Aruba Bank ta gradici su empleadonan cu a participa den e proyecto aki y di a logra prepara hopi pakete di cuminda pa esunnan den necesidad.
