Aruba Bank tabata e patrocinado principal di e E-Aruba Business Seminar. Den e introduccion di e clip di Aruba Bank por a aprecia e Manager di Corporate Credit di Aruba Bank, Eugene Dirksz, cu a confirma cu pa Aruba Bank Start-Ups ta di suma importancia y cu ta p’esey ta importante pa scucha nan y trece e solucionnan bancario cu nan mester.
Den e mesun presentacion Propietario di Complete Solutions, Sr. Nedd a duna di conoce cu e sistema di eCommerce di Aruba Bank a yud’e ricibi pagonan online directamente den su cuenta na Aruba Bank na un manera rapido y sigur.
Participantenan na e conferencia cu ta cliente di banco por a yega na e booth di Aruba Bank pa aplica pa haci uzo di e eCommerce Sevice.
Aruba Bank a aporta na e evento di Infinity Media Aruba, unda a duna informacion di tur fase comercial p’e startups enfocando ariba e “eCommerce Service”, cu ta un servicio pa comerciantenan ricibi pago for di nan website directamente riba nan cuenta di Aruba Bank. Pa mas informacion di e servicio por bishita: https://www.arubabank.com/corporate/banking/business-services/corporate-ecommerce y pa aplica pa e servicio aki por yena e formulario na: https://www.arubabank.com/forms/ecommerce-application.
