For di mainta festividadnan a cuminsa na diferente caminda rond di nos isla. Aruba Aloe tambe no por keda afo. Ta trata aki ta un fiesta cultural cu pa varios aña ta tumando luga y cada aña ta birando mas grandi.
Nos a combersa cu Jessica di Aruba Aloe Balm, kende a conta nos cu e festividad ta bayendo hopi bon. Tin hopi ambiente. Ta hopi druk tambe, pero cu dushi ambiente. Ta hopi orguyoso con el a resulta. Ainda bo tin chens pa pasa cerca nan te cu 5’or. Tin diferente promocion den nan tienda, cuminda hopi dushi, diferente actividad pa mucha. Kier bisa tur hende pa bin, y pasa na Aruba Aloe Balm, pa asina bin celebra nos Dia Nacional.
Pa loke ta e standnan di cuminda, e ta bayendo hopi bon. Tin por ehempel Old Cunucu House, Chef Leest. Tin diferente stand. Bo por nota cu hendenan ta gosando hopi di dje.
Tin stand entre otro di cuminda, di cos dushi y tambe caranan conoci cu ta contribui na e gran feria di Aruba Aloe Balm.
Tambe nan tin super entretenimento. Tin musica en bibo di diferente banda. Tabata tin entre otro Sodo y Cuero, tambe Rincon Boyz y D’licious no ta keda afo. Entretenimento tin henter dia, segun Jessica.
Tin super bon ambiente. E invitacion ta keda un biaha mas pa asina bo pasa na Aruba Aloe Balm pa e feria cultural, pero tambe tin diferente producto cu Aruba Aloe Balm ta ofrece awe, cu bo por pasa cumpra.
Jessica ta comenta cu tur producto bo por bin purba y probecha di cumpra bo faboritonan. E promocion di dollar pa florin, esey ta algo fantastico, cu bo no por faya. Tambe tur hende cu shop nan ta ricibi un Aruba Aloe Shopping Bag gratis. Ta echt bale la pena. Bo por gana diferente premio tambe, bo por gana un cruise pa dos persona, bo por gana un weekend stay na Hyatt, un dinner na Driftwood. Tin hopi diferente cos. Pa e muchanan tambe, nan por bay cu trein rond di e campo di aloe. Tin dinojump. Bo por traha bo Aloe Slime, hopi cos tin.
E aña aki tambe un y tur por pasa den e Aloe Museum. Esaki ta algo cu ta invita tur hende pa bin haci. Nan por siña mas over di historia di Aruba Aloe, di Aloe mes. Tambe nan por wak den e fabrica, con ta traha e productonan. Ta haya splicacion di esey. Tambe ta algo unico cu Aruba Aloe ta ofrece. Tambe por wak con ta corta e aloe. Esey naturalmente ta parti di historia cu kier comparti cu tur hende.
Asina ta, bin pasa un rato. Ainda bo tin te cu 5’or pa bo disfruta di tur loke Aruba Aloe Balm tin pa ofrece durante su feria cultural, sin laga afo e parti di entretenimento y platonan dushi pa bo enjoy.
