Loke a tuma luga den parlamento dialuna, unda cu a trata e ley di FASE, t’e legalisacion di e droga ‘Abuso di Poder” den cierto sentido, pasobra por a mira cu un minister a abusa di poder, abusa di pueblo y ta un droga pa nan, segun miembro di fraccion di AVP, Arthur Dowers.
E ta sigui comenta cu tin partido RAIZ, e fundeshi di MEP por bisa den cierto sentido y cu boca cera, a vota ‘voor’, stempel gewoon un acto di corupcion.
Tin dos rapport di Algemene Rekenkamer y CAD cu a bisa cu a haci steekproef, caminda cu a constata hopi cos cu no ta cuadra n’e echo aki. Tambe no tabatin un base legal pa por bin cu e ley aki.
Ta importante pa menciona e rol di Hulanda, cual den cierto sentido a financia e campaña di Glenbert Croes, Evelyn Wever-Croes y MEP. Hulanda a pone un cantidad di placa disponibel pa nan por a core campaña cu ne. Por a tende di 127 miyon. Dowers a menciona tambe cu tabatin un señora cu a eilo den parlamento dialuna, conoci como minister di finansa, 127 miyon bao di su responsabilidad, a bay na compania y cu aworaki tin cu cobra bek. Kiermen, sin cu a haci su control, miyones a bay via FASE sin cu tin persona cu tabatin derecho pa ricibie y tur esaki bao di nanishi di minister di finansa di Aruba y di Hulanda.
Pa mayor cobertura lesa TREMPAN.
