Mientras cu Rietveld Academy, situa den e edificio di Brenchie’s ta empaketando pa sali for di e monumento pecioso pa fin di e luna ki, pa motibo cu Minister Lampe a ordena nan pa sali y busca otro edificio di gobierno pa spaar placa, a drenta e grato noticia cu e arkitecto di parke Rietveld a gana un premio prestigioso na Miami pa e diseño unico y acogedor aki.
Studiantenan di e Academia di Arte tabata usa e parke pa recreo y bailadonan di Scol di Tango, cu ta train den e otro edificio di e Academia, ta usa e parke tur diasabra anochi tambe.
Ta lastima cu tur esaki ta pasa pa historia.
Florida American Society of Landscape Architects
Manera cu ya a menciona, Parke Rietveld a gana su premio, cual ta un Award of Merid como parti di e 2018 FLASLA (Florida American Society of Landscape Architects) Professional Awards. Esaki ta prome biaha cu a entrega e proyecto aki, cual a wordo reconoci. Tabata un honor ya cu e competencia a selecta e miho obra for di e estado di Florida.
E programa aki ta pa encurasha e avance, expansion y reconocimento di e profesion di Landscape Architecture door di honra proyectonan cu ta blend principionan ambiental y artistico cu ta emfatisa beyesa, funcion y sostenibilidad. Y Parke Rietveld ta haci esey y mucho mas.
E lo ta lamentabel cu cosnan a bay manera cu a bay cu net awo cu nan ta ricibi un reconocimento, anto ni na Aruba, cu e studiantenan di e Academia tin cu bandona nan luga di estudio.
