Recordando fecha y acontecimento historico e siman aki, a haya hopi informacion valioso for di Archivo Nacional caminda cu nan a comparti datonan cu a lanta hopi curiosidad den comunidad.
Un di a datonan cu a bin dilanti ta e poblacion cu nos isla tabata consisti di dje den aña 1816. Den e bukinan di registracion data e aña menciona, por a observa no solamente cu tabata biba unicamente 1732 persona riba nos Isla, pero tambe un conteo exacto di ki nacionalidad, sexo, etnecidad y si acaso nan lo tabata liber of cu ta hende cu a bira liber despues cu a aboli sclavitud.
Ken ta e hendenan cu tabata biba riba nos isla:
Di nacionalidad Hulandes tabatin 4 persona ( 3 homber y 1 muhe ), 187 hende blanco cu a casa y establece nan mes ( 60 homber/57 muhe/37 menor homber y 33 menor mucha muhe), 20 hende blanco cu no tabata tin nacionalidad Hulandes, 564 Indjan puro ( 134 homber/192 muhe/123 menor homber/115 menor mucha muhe), 584 persona di color “Culi” cu ta un mescla di esnan blanco cu Indjan pero cu no tabata esclavo ( 127 homber, 160 muhe, 144 menor homber, 153 menor mucha muhe), 37 persona di color scur ( 7 homber, 13 muhe, 6 menor homber, 11 menor mucha muhe), 133 persona esclavo di color “Culi” ( 20 homber/9 muhe/65 menor homber/39 menor mucha muhe), 203 esclavo color scur ( 46 homber/81 muhe/44 menor homber/32 menor mucha muhe)
Pa pone un poco mas den corto, un total di 1396 hende cu tabata liber ( 340 homber / 427 muhe / 311 mucha homber / 318 mucha muhe ). Na banda di esey nan ta conta e catibonan apart cu tabata 336 persona.
Un dato cu tambe a lanta masha hopi curiosidad den comunidad ta e mencion di e “Fam” original prome cu a aboli sclavitud riba nos Isla, hopi ta e famnan original cu no ta mucho conoci actualmente of cu ta keto bay renombra riba nos Isla. A menciona algun den articulo anterior pero e biaha aki kier a comparti cu e comunidad cada un di e famnan aki cu ta registra como e famnan original di cada esclavo, kico ta locual cu a tuma luga prome cu a libera nan y cua ta e doño di cada un di nan. Tambe por mira yiunan y demas persona cu ta comparti e mesun fam durante e temponan ey. E registracionnan aki ta data prome cu e fecha di liberacion cu ta 1863, es decir cu tur ta catibo den e temponan ey.
Na momento cu a libera e catibonan, tur mester a registra di nobo y akinan a ricibi un Fam nobo. Algun a haya fam di esnan cu tabata nan doño of a ricibi un fam nobo.
Fam cu tabata regista como original di catibonan:
Bylo, Kollot, Vogel, Bak, Ecury, Duro, Berghut, Palma, Vos, Kamerdijk, Fabus, Hassel, Wester, Ursula, Wolter, Aber, Zwaan, Susanna, Hilina, Pado, Cardos, Sloot, Man, Kemp, Molen, Water, Vries, Ridder, Raplo, Kamp, Morel, Reef, Poffel, Orman, Odilaar, Braaf, Fingal, Lomp, Medus, Wernet, Suarel, Loopstok, Lenbek, Langpijl, Hennep, Matus, Moezel, Helder, Frankkus, Moerdijk, Stamper, Struis, Petit, Mispad.
E lista di personanan aki a recupera nan libertad dia 1 di juli, 1863.
Loading…
Reload document 
Open in new tab 
