Te ainda cumplimento di pago tey, segun director di AZV, Anko Ringeling. Ta constantemente den contacto cu directie financien pa haya e placa di BAZV y di e prima, pa hay’e na tempo. Tin un bon cooperacion cu directie financien, pa esey.
Gastonan total di AZV
AZV su gastonan total pa un aña ta rond di 4 miyon florin y ta subi cada aña, pero e ta varia. Si mira e periodo di 2010 te cu 2016/2017, e aumento tabata hopi modera. Averahe pa aña ta 2.5 pa 2.7, cu ta un aumento modera. Anteriormente tabata tin aña cu ta mira aumento di 5 te cu 7 porciento hasta. Por a controla e gastonan basta bon den e añanan cu a transcuri. Pa e añanan venidero ta mira proyectonan nobo. Ta referi na e remodelacion di hospital, ta referi na ImSan, unda ta bin revisionnan nobo manera radioterapia. Esey ta bay pone si cu e gastonan pa e añanan venidero lo subi un poco mas cu e averahe di 2 pa 3 porciento. Esey tin den e proyeccion cu ta conta pa e añanan venidero door di e proyectonan nobo aki, cu e gastonan lo subi rond di un porcentahe di 4 porciento pa aña.
Aseguradonan lo beneficia
AZV no lo beneficia, pero e aseguradonan si lo beneficia di esey. Por ehempel, si renoba nos hospital, e ta trece gastonan extra cun’e. Nan ta haya mas meter cuadra. Mester poco mas personal, aparatonan nobo, etc. E ta logico si tuma un decision pa renoba hospital, e ta conduci na gastonan mas halto. Pero pa e asegurado e ta benefia naturalmente, den ambiente cu cual nan ta wordo trata ta miho. Esey ta conta tambe pa e trayectoria cu ta bay haci, interventie cardiologie na Aruba mes y Radioterapia na Imsan, inicialmente esey ta mas caro, cu manda e pashentnan afo. Nos pais chikito, si mester tur e inversionnan cu tin cu haci pa haci’e posibel pa tratamentonan tuma luga na Aruba, tin cu reparti e inversionnan riba menos pashent den un hospital grandi na Colombia, unda cu tin miles di pashent cu ta haci esaki. Gastonan pa pashent ta un poco mas abao compara cu Aruba. E ta keda pa e asegurado, e ta beneficia. Nan ta den nan propio ambiente, no mester biaha, nan por haya e tratamento. Tur eseynan ta decisionnan cu ta politico. No ta decision cu AZV ta tuma riba su mes. Na final ta gobierno ta dicidi si ta bin cu revisionnan nobo asina, pasobra na final e ta conduci en todo caso, na gastonan mas halto, segun Ringeling.
