Diabierna anochi alrededor di 10:20 pm polis tabata ocupa c’un chauffeur betra. Ta for di Tanki Flip tabata sigui e auto aki. A bay te rotonde di Noord djey sigui pa Kudawecha, Calbas y termina na Moko. A activa varios unidad di polis, pa purba para e auto marca Mitsubishi modelo Lancer numera A-70936.
Na Calbas polis a duna e chauffeur señal pa para pero e no a worry cu polis. Net dilanti su cas na Moko 6 polis a chang’e y mesora a deten’e. A confisca e auto mirando cu mas trempan e tabata envolvi den un caso di hit and run. A takel e auto hib’e warda di polis mientras cu e chauffeur a bay den un dogcatcher pa warda di polis.
