Aruba sigur tabata bon representa den Mrs. Top of the World International (TOTW). Sheréne Winterdaal, cu motivacion di e motor tras di Voluptuous Aruba como tambe su preparado Endy Croes, sin lubida su demas famia y amistadnan, Sheréne a representa Aruba den e certamen virtual, unda cu el a sali como prome finalista.
Fuera di e titulo aki tambe, el a haya e titulo di Mrs. Latino TOTW. Dos titulo sigur cu ta pone Aruba un biaha mas riba den top di e mundo di beyesa.
Su experiencia sigur tabata uno hopi bon y bunita, participando den tres challenge, cual nan ta talento, national costume y swimsuit.
Apesar di no tabata tin un puntuahe hopi halto, compara cu e participante di Gran Britania, toch el a keda den shock, ora cu el a haya e resultado.
Sigur e experiencia aki tabata uno unico p’e, ya cu ta pa prome biaha el a participa y e tin un conseho pa e damanan cu kier participa den un certamen di e caliber aki, pero cu ainda no tabatin e curashi pa dal e prome paso: “No tene miedo. Si bo tin e deseo di hacie, hacie. Si bo no sa kico tin di haber den un certamen, busca un hende pa guia bo. Bo tambe lo logra hopi cos cu bo lo kier. No laga bo miedo stroba bo di shine y yega unda bo mester yega.”
Lesa bo corant Trempan, pa asina bo sa mas kico tur Sheréne a conta, su experiencia y tambe kico tur e tin pensa pa haci den furuto.
